Монгол Улсын Ерөнхийлөгчийн санаачилга "Эрүүл Монгол хүн" аяны хүрээнд иргэдийг эрүүл амьдралын хэв маягт уриалан цэвэр агаарт, идэвхтэй хөдөлгөөнд оролцуулах, бие бялдраа чийрэгжүүлэх, өвлийн спортоор хичээллэж буй сонирхогчдын авьяас чадварыг нээн илрүүлэх өвлийн аялал жуулчлалыг хөгжүүлэх зорилгоор "Тунгалаг толбо-2025" мөсний баяр, аялал жуулчлал, соёл, спортын наадмыг 2025 оны 02-р сарын 15-ний өдөрТолбо нуурт амжилттай зохион байгууллаа.
"Тунгалаг толбо-2025" мөсний баярыг Аймгийн Засаг даргын Тамгын газар Биеийн тамир, спортын газар, Соёл урлаг, аялал жуулчлал, залуучуудын газар, Өлгий Сумын Засаг Даргын Тамгын Газар, Онцгой Байдлын Газар, Цагдаагийн газар, Байгаль Орчны Газар, Хөгжимт Драмын Театр, Толбо сумын Засаг даргын Тамгын Газар, Сурын Холбоо, Шагайн Холбоотой хамтран өргөн хүрээнд аялал жуулчлалын эвент үйл ажиллагаа, соёл, спортын томоохон наадмын түвшинд хүргэж, жил бүр улам өргөжүүлж, баруун бүс, улсын болон олон улсын хэмжээнд зохион байгуулах зорилготой хамтран зохион байгуулав.
Төрийн болон төрийн бус байгууллага, аж ахуйн нэгж, иргэд энэхүү баярт өргөнөөр оролцлоо.
“Тунгалаг толбо-2025” мөсний баярын хүрээнд:
-Тэшүүр,
-Олс таталт,
-Хоккей,
-Мөсөн Сүмо,
-Мөсөн шагайн харваа,
-Мөсөн сурын харваа,
-Спорт загасчлал зэрэг спортын тэмцээнүүд зохион байгуулагдаж шилдгүүдээ шалгарууллаа.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.